Inthanmei Cross ta sakaru kumei ngai

Inthanmei Cross ta sakaru kumei ngai

Cross ta sakaru kumei tuang ngai hei kalam kathum nai ye:

     1.     Inchum mei cross Inthanmei Helena, guang Constantine pui, ruai phu tou mei.

     2.     Jesu tarou akhatni Calvary chingbut khou guang Constantine ruai Rah kai kanei kashem lou mei.

     3.     Guang Heraclius ruai na inchum mei cross Jerusalem khou phuang guang lou dat mei.

Kalam inthuk liang mei tho mi ngai ruai aniu khang lian lou we: Cross hei aniu tuang ringsuang mei panti latou ni mei chang nge.

Tat kan mei Inthanmei Cross tuang pari

Jesu thei mei gan khou tei, Roman mei khou kabam dai mei sin bam mei nun akhatni Jewish mei nun ruai Jesu tuang tarou, ta sumut khang karam khuan nge. Mi rhu khou tei, pagan mei nun tuang rakai kaseam lou khuan nge. Kumlina, Jesu tuang Cross ta ni kakam lou khuan nge.

Inthanmei Helena ganthou  kei mei gan khou hei kamei kalung ning khou kakhan khuan nge: ai Jerusalem (tingkum 326) khou tat lana, Jesu tuang tarou akhatni Cross ta tei phu nithe.

Pari suna ni kumna na sa khuan nge, Cross kathum tei phu tou mei gan khou tei, tabui ta cross kaling cho tumei hei thai mak khuan the. Mi cross khou tei mei thei mei pu gan khat ta ti na ji lou tiki, thei mei pu tei ring thou dat the.

Muslim mei guang Khosrau ruai Jerusalem mei nun ta rhi ngam mei gan khou tei, Cross tei Persia khou phung tat khuan ne. Kumna, Heraclius ruai na rhi ngam dat mei gan khou,cross tei Jerusalem khou phung guang lou dat khuan ne. Kumna Inthanmei Cross ta sakaru kumei tuang ngai tei September 14 khou the.

(Source: Accessed on 28^th of September. http://catholicism.about.com/od/holydaysandholidays/p/Exaltation-Of-The-Holy-Cross.htm)